इमर्जिङ्ग नेपाल लिमिटेडको साधारण सेयर (आईपीओ) आज (बुधबार) बाँडफाँट हुने भएको छ । बिक्री प्रबन्धक एनआईसी एशिया क्यापिटलका अनुसार आईपीओको बाँडफाँट आज दिउँसो ३:३० बजे कार्नीभल रेष्ट्रो, अनामनगर, काठमाडौंमा हुनेछ ।
कम्पनीले कम्पनीले माघ २६ गतेदेखि फागुन १ गतेसम्म निष्काशन गरेको कुल ५ लाख ५५ हजार कित्ता सेयरमध्ये २ प्रतिशत अर्थात ११ हजार ११२ कित्ता कर्मचारीहरुलाई र ५ प्रतिशत अर्थात २७ हजार ७८० कित्ता सामूहिक लागनी कोषहरुलाई सुरक्षित गरी बाँकी ५ लाख १६ हजार ७०८ कित्ता शेयर सर्वसाधारणको लागि बिक्री खुला गरेको थियो ।
कम्पनीको आईपीओमा २४ लाख १५ हजार ९१९ जना आवेदकले दुई अर्ब ७८ करोड ३५ लाख ४२ हजार रुपैयाँ बराबरको २ करोड ७८ लाख ३५ हजार ४२० कित्ता सेयरको लागि आवेदन परेको छ ।
यो सर्वसाधारणलाई छुट्टाएको ५ लाख १६ हजार ७०८ कित्ता शेयरको ५३.८७ गुणा बढी हुन आउँछ।
कम्पनीको सेयरमा माग भन्दा बढी आवेदन परेकोले धितोपत्र निष्काशन तथा बाँडफाँड निर्देशिका अनुसार गोलाप्रथाद्वारा योग्य आवेदक मध्ये ५१ हजार ६७० जनाले मात्रै न्युनतम १० कित्ताको दरले सेयर पाउनेछन् । त्यस अनुसार २३ लाख ६४ हजार भन्दा बढीले सेयर नपाउने देखिन्छ ।
