अन्तराष्ट्रिय बजारमा तेलको मूल्यमा अत्याधिक वृद्धि भएको छ । ओमन र कुवेतले तेल उत्पादनमा कटौती गर्ने संकेत देखाएसँगै यसरी १८ महिना यताकै उच्च बिन्दुमा तेलको मूल्य पुगेको हो । उत्पादक राष्ट्रहरुले तेलको मूल्यलाई स्थिर राख्न कोशिस भने जारी राखेका छन् ।
ओपेक र ओपेक सदस्य नरहेका राष्ट्रहरु रसिया र मेक्सिकोले समेत तेलको उत्पादनमा १.८ मिलियत ब्यारेल प्रतिदिनका दरले कटौती गर्ने सहमति यसअघिनै गरिसकेका थिए ।
ओपेकको सदस्य राष्ट्र कुवेतले दैनिक १ लाख ३० हजार ब्यारेल तेल उत्पादनमा कटौती गरेको हो । त्यसैरी ओमनले पनि ४५ हजार ब्यारेल उत्पादन घटाएको छ ।
इराकले पनि चाँडै तेल उत्पादनमा कटौती गर्ने जानकारी गराइसकेको छ । यसरी अन्तराष्ट्रिय बजारमा तेलको मूल्यमा वृद्धि हुने भएपछि विश्व बजार नै त्यसबाट नराम्ररी प्रभावित हुने विश्लेषकहरुको ठहर छ । एजेन्सी
