यस दिन कारोबारमा आएकामध्ये ९९ वटा कम्पनीको सेयर मूल्य बढ्यो, १४८ वटाको घट्यो भने बाँकी १ वटा कम्पनीको स्थिर रह्यो । कुल ७० हजार ६ सय १० पटकको कारोबारमा १ करोड ८५ लाख ५ हजार ७ सय ७१ कित्ता सेयर किनबेच भए । ती किनबेचमा करिब ७ अर्ब ६० करोड ९५ लाख रुपैयाँ बराबरको सेयर कारोबार भएको छ ।

नेप्से घटेसँगै कुल बजार पुँजीकरण १४ अर्ब २६ करोड ५९ लाख रुपैयाँले घटेको छ  । गत बिहीबार ४३ खर्ब ७३ अर्ब ७३ करोड रुपैयाँ रहेको कुल बजार पुँजीकरण आइतबार ४३ खर्ब ५९ अर्ब ४७ करोड कायम भएको छ  ।

यसले एकै दिनमा नेप्से १४ अर्ब २६ करोड ५९ लाख रुपैयाँले खुम्चिएको देखाउँछ । कुल सूचीकृत सेयरलाई सोही दिनको सेयर मूल्यले गुणा गरेर कुल बजार पुँजीकरण गणना गरिन्छ । पुँजीकरण घट्नुको अर्थ सूचीकृत सेयरको बजार मूल्यमा कमी आउनु हो । यही आधारमा पुँजीकरण घट्दा लगानीकर्ताको सम्पत्तिको मूल्य घटेको रूपमा विश्लेषण गरिन्छ ।

आइतबार लघुवित्त ११२‍.९९ र व्यापार ५.५९ अंकले बढेको छ । बाँकी सबै उपसमूह घटे । होटल तथा पर्यटन १२१.२७, विकास बैंक ८०.८७, जीवन बिमा ४५.३७ अंकले घटेका छन् ।

ओम मेगाश्री फार्मास्युटिकल्सको सेयर मूल्य १० प्रतिशतले बढेर सर्किट ब्रेक लाग्यो । रिभर फल्स पावर लिमिटेडको ७.५६, लक्ष्मी लघुवित्तको ६.२८, उन्नति सहकार्य लघुवित्तको ६.१७६ र नेरुडे मिर्मिरे लघुवित्तको ५.८५ प्रतिशतले सेयर मूल्य बढ्यो । सिन्धु विकास बैंकको ८.२८, बाराही हाइड्रोपावरको ६.७६, सप्तकोशी विकास बैंकको ५.०७, ग्रिन डेभलपमेन्ट बैंकको ३.९२ र दोर्दी खोला जलविद्युत् कम्पनीको ३.३० प्रतिशतले सेयर मूल्य घटेको छ ।

कारोबार रकमका आधारमा राधी विद्युत् कम्पनी, युनिभर्सल पावर कम्पनी, ङादी ग्रुप पावर, युनाइटेड मोदी हाइड्रोपावर र हिमालयन पावर पार्टनर अघि रहे । यसअनुसार राधी विद्युत् कम्पनीको ७१ करोड ४९ लाख, युनिभर्सल पावर कम्पनीको ३० करोड ३१ लाख, ङादी ग्रुप पावरको २९ करोड ५१ लाख, युनाइटेड मोदी हाइड्रोपावरको २८ करोड ८३ लाख र हिमालयन पावर पार्टनरको २१ करोड २३ लाख रुपैयाँको कारोबार भएको छ ।