सातामा तीन दिनमा १०६.६६ अंकले बढेको नेप्से दुई दिनमा ११२.६७ अंकले घट्यो
काठमाडौँ — गत साता पाँच दिनमा सेयर कारोबार मापक नेप्से परिसूचक औसत ६.०१ अंकले घटेको छ । अघिल्लो साताको बिहीबार २ हजार ६ सय ६९.३१ बिन्दुमा बन्द भएको नेप्से गत बिहीबार २ सय ६ सय ६३.३० बिन्दुमा ओर्लेर बन्द भएको नेप्सेले जनाएको छ । गएको साता आइतबार र मंगलबार मात्रै नेप्से घटेको थियो, सोमबार, बुधबार र बिहीबार समग्र नेप्से बिन्दु बढ्यो ।
गत आइतबार ५४.६२ अंकले घटेर समग्र नेप्से २६१४.६८ बिन्दुमा ओर्लिएको थियो । सोमबार २६.१० अंकले बढेको समग्र नेप्से बिन्दु मंगलबार ५८.०५ अंकले घटेर २५८२.७३ मा ओर्लिएको थियो । बुधबार ३९.१३ र बिहीबार ४१.४३ अंकले बढेर नेप्से २६६३.३० बिन्दुमा बन्द भएको हो ।
गएको साता कुल २५ अर्ब ४१ करोड १९ लाख ५१ हजार रुपैयाँको सेयर कारोबार भयो ।
अघिल्लो साताको तुलनामा गएको साता सेयर कारोबार रकम ३.३७ प्रतिशतले घटेको हो । अघिल्लो साता २६ अर्ब २९ करोड ६८ लाख ९५ हजार रुपैयाँको सेयर कारोबार भएको थियो ।
गत साता २ लाख ९६ हजार ७४८ पटकको कारोबारबाट ५ करोड २१ लाख ८२ हजार ११० कित्ता सेयर किनबेच भयो । अघिल्लो साता २ लाख ९७ हजार ५४८ पटकको कारोबारबाट ५ करोड १३ लाख ३१ हजार ३९८ कित्ता सेयर किनबेच भएको थियो । अघिल्लो साताको तुलनामा गत साता सेयर कित्ता किनबेच १.६६ प्रतिशतले बढेको हो ।
नेप्सेका अनुसार गत साता लगानी, जीवन बिमा, म्युचअल फन्ड, अन्य र व्यापार उपसमूह बढ्यो ।
व्यापार १३६.७१, जीवन बिमा, १२९.९३, अन्य ४०.९६, लगानी शून्य दशमलव ४४ र म्युचअल फन्ड शून्य दशमलव १० अंकले बढेको छ । निर्जीवन बिमा १७६.८४, विकास बैंक १३२.०७, होटल तथा पर्यटन ११९.९३, जलविद्युत् ७६.३४, लघुवित्त ३०.९०, उत्पादन तथा प्रशोधन २०.३३ र बैकिङ ३.२६ अंकले घटेको नेप्सेले उपलब्ध गराएको तथ्यांकमा उल्लेख छ ।
गएको साता कारोबार रकमका आधारमा हिमालयन रिइन्स्योरेन्स र एनआरएन इन्फ्रास्ट्रक्चर एन्ड डेभलपमेन्टलगायत १० वटा कम्पनी अघि रहे । हिमालयन रिइन्स्योरेन्सले १ अर्ब ९१ करोड १ लाख १५ हजार, नेपाल रिइन्योरेन्स कम्पनीले १ अर्ब २७ करोड ८९ लाख ५ हजार, एनआरएन इन्फ्रास्ट्रक्चर एन्ड डेभलपमेन्टले ९६ करोड २२ लाख ४ हजार र सीईडीबी हाइड्रोपावर डेभलपमेन्ट कम्पनीले ७२ करोड ७० लाख २० हजार रुपैयाँको कारोबार गरेका छन् ।
यसैगरी युटाइटेड मोदी हाइड्रोपावर कम्पनीको ६९ करोड ३९ लाख ७४ हजार, गार्डियन माइक्रो लाइफ इन्स्योरेन्सको ६३ करोड ८३ लाख ८४ हजार, नारायणी डेभलपमेन्ट बैंकको ६३ करोड ३६ लाख ५४ हजार, घलेम्दी हाइड्रोपावरको ५६ करोड ५९ हजार, सिन्धु विकास बैंकको ४९ करोड ८४ लाख ८० हजार र ग्रिन डेभलपमेन्ट बैंकको ३८ करोड १४ लाख ३५ हजार रुपैयाँको सेयर कारोबार भएको छ ।
गत साता श्वेतगंगा हाइड्रोपावर, प्रभु क्यापिटल लिमिटेडलगायत १० कम्पनीका लगानीकर्ताको सम्पत्तिको मूल्य बढ्यो । गार्डियन माइक्रो लाइफ इन्स्योरेन्सको १२.८६, प्रभु क्यापिटल लिमिटेडको ८.५४, श्वेतगंगा हाइड्रोपावर एन्ड कस्ट्रक्सन कम्पनीको ७.७१, एनआरएन इन्फ्रास्ट्रक्चर एन्ड डेभलपमेन्टको ६.२६, हिमालय रिइन्स्योरेन्सको ५.७७, स्वरोजगार लघुवित्त वित्तीय संस्थाको ४.५२, कुमारी बैंक ८९ को ४.२२, एनआईसी एसिया ८२/८३ को ४.१७, एनएमबी माइक्रो फाइनान्सको ३.७५ र विशाल बजार कम्पनीको ३.६७ प्रतिशतले बढेको छ ।
मिथिला लघुवित्त, भूगोल इनर्जी डेभलपमेन्टलगायत १० कम्पनीका लगानीकर्ताले आफ्नो सम्पत्तिको मूल्य गुमाए । माथिल्लो हेवाखोला हाइड्रोपावरको १५.३८, नारायणी विकास बैंकको १४.२१, मिथिला लघुवित्तको १२.३५, इस्टर्न हाइड्रोपावरको १०.७०, भूगोल इनर्जी डेभलपमेन्टको ८.३७, सप्तकोशी विकास बैंकको ८.१५, सुपरी मादी हाइड्रोपावरको ८, सुपरमाई हाइड्रोपावरको ६.६२, कर्पोरेट विकास बैंकको ६.५० र चिरख्वा हाइड्रोपावरको मूल्य ६.२१ प्रतिशतले मूल्य घटेको हो ।
