नेकपा (एमाले)का अध्यक्ष केपी शर्मा ओलीले आज पार्टीको कोशी प्रदेश कमिटीको बैठकलाई सम्बोधन गर्दैछन् ।
आजदेखि सिराहको विष्णुपुरकट्टामा आयोजना हुने पार्टीको सचिवालय बैठकमा सरेपछि ओलीले आज विराटनगरमा पार्टीको कोशी प्रदेश कमिटीको बैठकलाई सम्बोधन गर्न लागेका हुन् ।
सिराहको धनगढीमाई नगरपालिका सर्रे अम्बासमा बस्ने तय भएको बैठक निरन्तरको वर्षाका कारण भदौ १३ गतेलाई सरेको छ । उक्त बैठकलाई सम्बोधन गर्न शुक्रबार नै विराटनगर पुगेका ओलीले शनिबार गृह नगर झापामा पार्टीका कार्यकर्ताहरुको भेलालाई सम्बोधन गरेका थिए।
अम्बासमा यसअघि एमालेले २०४६ सालमा एउटा काठघरमा चौथो महाधिवेशन गरेको थियो । उक्त महाधिवेशनले मदन भण्डारीलाई महासचिव चुनेको थियो ।
