बागमति प्रदेश सभा सदस्य एव्म काठमाडौं क्षेत्र नम्बर ३(प्रदेश ख) सांसद बिमल ठकुरी र प्रधानमन्त्री पुष्पकमल दाहाल प्रचण्डबीच बालुवाटारमा भेटवार्ता भएको छ ।
काठमाडौं क्षेत्र नम्बर ३ (प्रदेश ख) का समस्याहरु लिएर सांसद ठकुरी सहितको टोली आज प्रधानमन्त्री निवास बालुवाटार पुगेको थिए।
सांसद ठकुरीले महादेव मन्दिरदेखि पर्यटकीय क्षेत्र सुन्दरीजलसम्म जाने बाटो निमार्ण, सुन्दरीजलमा शिवपुरी आरक्षणको ढाँट हटाउने व्यवस्थाको पहल,लगायत समसामयिक राजनीतिबारे छलफलका लागि प्रधानमन्त्री निवास बालुवाटार पुगेको बताएका छन् ।
सांसद ठकुरीले गोकर्णेश्वर नगरपालिका ४ अन्तर्गत पर्ने नेपाल ट्रष्टको नाममा रहेको गोकर्ण वनका कारण वागमति करिडोर अन्तर्गत गोकर्ण व्यारेज महादेव मन्दिरदेखि पर्यटकीय क्षेत्र सुन्दरीजलसम्म जाने बाटो हालसम्म पनि निर्माण हुन नसकेको साथै गोनपा १ सुन्दरीजलमा शिवपुरी आरक्षणको ढाँटका कारण जनतामा समस्या आएको भन्दै त्यसको समाधानका लागि आवश्यक पहलकदम चाल्न प्रधानमन्त्री समक्ष ध्यानाकर्षण पत्र बुझाएका हुन् ।
त्यस्तै सांसद ठकुरीले गोकर्णेश्वर नगरपालिका १ सुन्दरीजलमा शिवपुरी आरक्षणको ढाँटका कारण त्यसक्षेत्रका ५ गाउँवस्ती र आरक्षण भित्र रहेका स्थानीयले घर जानको लागि, आफ्ना मामाघर, ससुराली जानको लागि समेत पैसा तिर्नु पर्ने अवस्थाका कारण स्थानीयको दैनिक जीवनयापनमा समेत समस्या भएको भन्दै त्यस क्षेत्रका जनतालाई प्रवेश शुल्कमा निशुल्क गर्नुपर्ने माग गरेका छन् ।
सांसद ठकुरीले बागमतिको धार्मिक क्षेत्र सुन्दरीमाई, वागद्वार जस्ता तिर्थ स्थलमा जाने तिर्थयात्री भत्तजनले पनि निकुञ्जलाई चर्को शुल्क तिर्नु पर्ने बाध्यताका कारण आन्तरिक पर्यटकको संख्यामा पनि कमी आएको ज्ञापन पत्रमा उल्लेख गरे ।
सुन्दरीजलमा रहेको आर्मी चेक पोष्टले पारेको समस्या बारे केही दिन अघि प्रतिनिधि सभा सदस्य सांसद सन्तोष चालिसेले समेत संसदमा आवाज उठाएका थिए । उनले सुरक्षाका लागि चेक पोष्ट राखे पनि निकुञ्ज प्रवेशमा शुल्क तत्काल हटाउन आग्रह गरेका थिए ।
शिवपुरी आरक्षण अन्तर्गत पर्ने सुन्दरीजल क्षेत्रका मुलखर्क, ओख्रेनी, कुने लगायतका क्षेत्रमा बसोबास गर्ने स्थानीय बासिन्दाहरुले चेक पोष्ट र चर्को शुल्कका कारण समस्या रहेको गुनासो सांसदहरु समक्ष पटकपटक राख्दै आएका थिए ।
प्रधानमन्त्रीसंगको भेटवार्तामा प्रतिनिधिसभा सदस्य सन्तोष चालिसे ,नेपाल लोकतान्त्रिक खेलकुद संघ केन्द्रिय सदस्य बिजय तामाङ लगायतको उपस्थिति रहेको थियो ।
