गोकर्णेश्वोर नगरपालिका वडा न.०३ अवस्थित सगरमाथा पिपल टोल सुधार समितिद्वारा सुभ दिपावलीको अवसरमा सुभकामना आदानप्रदान एवं चियापान कार्यक्रम राख्ने भएको छ।
भोलि बिहान ८:०० बजे सम्पन्न हुने उक्त कार्यक्रममा टोल सुधार समितिले स्थानीय जनप्रतिनिधी, टोलबासी , शैक्षिक संस्थाका व्यक्तित्वहरु, समाजसेवी, व्यवसायी तथा अन्य सरोकारवालाहरुसङ्ग छलफल राख्दै टोल सुधार समितिको कार्य, टोल विकास तथा निर्वाचनमा टोलबासीको भुमिका जस्ता विषयमा चर्चा गर्नेछ।
गोकर्णेश्वोर -३ , बस्नेत गाउँ स्थित उक्त समितिले टोलको बाटोघाटो निर्माण, बिजुली बत्ती जडान, पुरातात्विक र ऐतिहासिक धरोहर संरक्षणमा सक्रिय रहि समग्र टोल विकासमा काम गर्दै आएको छ।