यही मङ्सिरमा हुने भनिएको प्रदेश तथा प्रतिनिधि सभाको चुनावमा कांग्रेस नेत्री दुर्गा ढुङ्गेलले निर्वाचन क्षेत्र न. ३(क) प्रदेशबाट प्रदेश सभा सदस्यमा आफ्नो उम्मेद्वारी दाबी गरेकी छिन।
प्रदेश तथा प्रतिनिधि सभाको चुनावको लागि हालसम्म यश क्षेत्रबाट २० जनाले आफ्नो उम्मेद्वारी घोषणा गरेता पनि नेत्री ढुङ्गेलको उम्मेद्वारीका कारण पृथक छन।

फोर आइज न्युज सङ्ग भएको कुराकानीमा  नेत्री ढुङ्गेलले आफू महिला उद्धमशीलता र स्वावलम्बनलाई  प्रार्थमिकतामा राख्दै अपाङ्ग र असाहायको दिर्घकालिन हित गर्न प्रदेश सभा सदस्यमा आफ्नो उम्मेद्वारी घोषणा गरेको बताए।

विश्व हिन्दु जागरण अभियानका अध्यक्ष समेत रहेकी र हाल नेपाल महिला संघको क्षेत्रीय कोषाध्यक्ष समेत रहेकी ढुङ्गेलको २०६२/६३ को जन आन्दोलनमा समेत अग्रेणी भुमिका रहेको थियो।
उनी नेपाल अधिराज्य कै साना गाडी तथा माइक्रोबस व्यवसायी संघका पहिलो महिला अध्यक्ष र जोरपाटी माइक्रोबस व्यवसायी संघको पहिलो सन्स्थापक महिला अध्यक्ष भएर २०५४ देखि  २०६३ साल सम्ममा जोरपाटीदेखि सवारी रूट नपुगेका ठाउँहरु मेडिकल कलेज, गोठाटार, साखु र आरुबारी सम्म रूट व्यवस्था  गरिन भने उनी नगर यातायात संयोजक समेत भईन।
नेपाल यातायात मजदुर संघका केन्द्रिय  उपाध्यक्ष समेत रहेकी नेत्री ढुङ्गेल नेपाली कांग्रेसको १३ औं महाधिवेसनबाट नगर सदस्य समेत बनिन।
दुर्गा ढुङ्गेलले भारतको नयाँ दिल्लीमा सम्पन्न दक्षिण एसियाली महिला सम्मेलनमा भाग लिई लैङ्गकि समानता, बाल श्रम , महिला उत्थान  र स्वरोजगार सम्बन्धी तालिम लिएका छन।
नेत्री ढुङ्गेलले हरेक सवारी साधनमा महिलाहरुलाई नि:शुल्क यात्रा गर्न मिल्ने  व्यवस्था प्रदेशभर गर्ने उदेश्य राखेकी छिन। त्यसैगरी अपाङ्ग  र असाहायको लागि लक्षित नि:शुल्क स्वास्थ  सेवाको व्यवहारीक प्रतिवद्दता समेत गरेकी छिन। उनी भन्छिन, ” म यस क्षेत्रमा अनुभवी छु र यो व्यवस्था सम्भव छ।”
द्वन्दकालमा आफ्नो गाडी २७ दिनसम्म माओवादिले अपहरण गरि ज्यान मार्ने  धम्की समेत पाएकी नेत्री ढुङ्गेलले आफ्नो तर्फबाट साहससाथ व्यपक प्रतिकार समेत गरेकी थिइन।
प्रदेशको सामाजिक, आर्थिक, शैक्षिक विकास गरि महिला रोजगारीको स्थायित्व प्रदान गर्न नेत्री दुर्गा ढुङ्गेलले आफ्नो उम्मेद्वारी प्रदेशमा  दिएकी हुन।