पहिरोका कारण अवरुद्ध नारायणगढ–मुग्लिन सडकखण्ड खुलेको छ । इच्छाकामना गाउँपालिका–५ स्थित पृथ्वी राजमार्गको नाग्दी खोलामा खसेको पहिरो पन्छाएपछि सडक खुलेको हो ।
बुधबार राति ११ः१५ बजेदेखि अवरुद्ध सडक बिहिबार दिउँसोबाट सञ्चालनमा आएको हो । जिल्ला ट्राफिक प्रहरी कार्यालयका अनुसार मध्याह्नदेखि सो खण्ड सुचारु भएको हो ।
यस्तै नारायणगढ–मुग्लिन सडकखण्डको इच्छाकामना गाउँपालिका–६ को तोपेखोलास्थित नाम्सी पुलमा बिहान ४ बजेको समयमा खसेको पहिरो बिहान ११ः५० बजे पन्छाइएको हो । रातिदेखि अवरुद्ध भएको सडकमा सवारीसाधनको लामो लाइन लागेको छ । लामो दुरीका यात्रुहरु अलपत्र परेका थिए । सडक खुलेसँगै सवारी साधानहरु आफ्नो गन्तव्यतर्फ लाग्दै छन् ।
