युईएफए युरोपा लेगमा बार्सिलोना बराबरीमा रोकिएको छ । गएराति भएको खेलमा बार्सिलोना नेपोलीसँग १–१ को बराबरीमा रोकिएको हो ।
बार्सिलोनाको लागि फेरान टोरेसले गोल गरे भने नेपोलीको लागि पिओटर जिलेन्स्कीले गोल फर्काए । खेलमा नेपोलीले सुरुवाती अग्रता लिएपनि जोगाउन सकेन ।
खेलको २९औँ मिनेटमा पिओटरले गोल गर्दै नेपोलीलाई अग्रता दिलाएका थिए । इल्जिफ इल्मासको प्रहारलाई गोलरक्षक मार्क आन्दर टेर स्टेगनले बचाएपनि रिवाउन्डमा उनले गोल गरेका थिए ।
५९औं मिनेटमा टोरेसले पोनाल्टीमार्फत गोल गर्दै खेल ११ को बराबरीमा ल्याए । एडमा ट्राओरेको प्रहार जुआन जेससको आर्ममा लागेपछि रेफ्रीले बार्सिलोनालाई पेनाल्टी दिएको थियो ।
लेगको दोस्रो खेल नेपोलीको मैदानमा हुने छ । बार्सिलोना अर्को चरणमा पुग्नको लागि दोस्रो लेगमा जिन निकाल्नै पर्ने दबाब रहेको छ । अर्को चरणमा पुग्नको लागि नेपोली बराबरी खेल मात्रै पनि पुग्ने छ ।
