आफ्नो वौद्दिकताको बीउ रोपिएको मन्दिरमा पुगे युवा नेता राजु सुनार

आज सरस्वती पुजाका दिन गोकर्णेश्वोर नगरपालिका वडा न.०६ स्थित पेगासस ईङ्ग्लिस स्कूलमा नेपाल दलित विद्यार्थी संघका केन्द्रीय अध्यक्ष राजु सुनार गुरुजनबाट टीका ग्रहण गर्न पुगेका छन। करिब २ बर्षको उमेर देखि उक्त विद्यालयमा पठनपाठन गर्न गएका राजु आज दर्जनौं महिला समूह, सामाजिक संघ संस्था आदिका संरक्षक र अध्यक्ष रहेका छन। ” हिजो सम्म यो राजु सानो जस्तो लाग्थ्यो अब त वरिष्ठ समाजसेवी र नेता पो भैसकेछ ” विद्यालयका कार्यवाहक प्रधानाध्यापक रेवती प्रसाद ढुङ्गेल भन्छन। सन् १९९९ मा स्थापित उक्त विद्यालयले धेरै गरिब, निमुखा तथा सडक बालबालिकाहरुलाई पूर्ण तथा आंशिक छात्रवृत्ति प्रदान गरि आवास समेत प्रदान गर्ने गरेको छ। राजु सुनार भन्छन, ” मैले यस विद्यालयमा नि:शुल्क अध्ययन गरे र अहिले मेरो सामाजिक सन्स्था र पहलबाट १०० भन्दा माथी विद्यार्थिहरुलाइ छात्रवृत्ति प्रदान गर्न सकेको छु। मलाइ यसैमा गर्व लाग्छ र म मेरा गुरुहरुप्रती हार्दिक नतमस्तक छु।” युवा नेता राजु सुनार नेपाली कांग्रेसका केन्द्रीय महाधिवेशन प्रतिनिधि, महासमिती सदस्य मात्र नभै जय नेपाल सामाजिक युवा संस्था, माइटी गरुडा च्यारिटेवल ट्रष्ट, नूह परोपकारी संस्था तथा किसुनजी प्रतिस्ठानका अध्यक्ष समेत हुन।