आशन्न स्थानीय निर्वाचनमा काठमाडौँ निर्वाचन क्षेत्र नं ३ गोकर्णेश्वर नगरपालिका अन्तर्गत मेयरको पदमा दिपक रिसालले बाजि मारेका छन। त्यसैगरी नेकपा एमालेको तर्फबाट सान्नानी लामाले उपमेयर को पद प्राप्त गर्न सफल भए। गोकर्णेश्वर नगरपालिकाको छ वटा वडामा नेकपा एमालेका वडा अध्यक्षहरुको वर्चस्व छ भने तीनवटा वडामा मात्र कांग्रेसको वर्चस्व रहेको छ। कुल ४७ जनप्रतिनिधिहरुको मध्ये कांग्रेसले २३ भने एमालेले २४ को संख्यामा जनप्रतिनिधिहरु ल्याउन सफल भएको छ। गोकर्णेश्वर नगरपालिकामा यसअघि ६ वटा वडा अध्यक्षहरु काँग्रेसका थिए भने उपमेयर समेत कांग्रेस बाटै थिए। अहिलेको नगरपालिकाको समिकरण हेर्दा अब नगरपालिकामा एमाले र कांग्रेसले सहकार्य गरेरै जानुपर्ने अवस्था देखिन्छ।
