दैलेख जिल्लाको सदरमुकाम दैलेख बजारमा हिउँ परेको छ । लगातार तीन दिनदेखि दैलेखमा झरी परिरहेको छ, भने सदरमुकाम दैलेख बजारमा हिमपात भएको छ । लगातारको झरीले जनजीवन प्रभावित भएको छ ।
जानकारहरुका अनुसार करिब २६ बर्ष अघि हिमपात भएको दैलेख बजारमा यसपाली हिमपात भएको हो । हिमपातले जनजीवन कष्टकर भएको छ, भने हिउ परेपछि स्थानीय खुसी भएका छन् । आफू जन्मेपछि पहिलो पल्ट सदरमुकाममा हिमपात भएको स्थानीय सुनिल सुनारले बताए ।
नारायण नगरपालिको सदरमुकामसहित वडा न ३,४,५मा केहिबेर हिमपात भएको छ, भने जिल्लाका अधिकाँस डाडाकाडा हिउले ढाकिएका छन् । झरी र हिमपात भएपछि चिसोको कारण जनजीवन भने कष्टर भएको छ ।
त्यस्तै हिमपातले बाली सप्रिने भन्दै किसानहरु हर्षित भएका छन् ।
लगातार हिमपात भएपछि दैलेखको गुराँस गाँउपालिकाको रानीमत्तामा सडक अबरुद्ध भएको बाहेक अन्य कुनै भौतिक क्षति नभएको दैलेख प्रहरी प्रमुखले बताए ।
