अन्तर जातिय विवाहका कारण पिडामा परेका एक दम्पतिको लागि दलितका लागि दलित आन्दोलन (दलित अधिकारकर्मीहरु)ले पत्रकार सम्मेलन गरेका छन । कैलाली जिल्ला गोदावरी नगरपालिका वडा नम्बर ९ घर भएका सुरेश विश्वकर्मा र कैलालीको गौरीगंगा नगरपालिका ६ की सरस्वती खड्का लामो समयको प्रेमलाइ ५ महिना अगाडी विवाहमा परिणत गरेका थिए ।
अन्तरजातिय विवाह गरेका कारण काठमाडौंमा परिवार ,प्रहरी , समुदायबाट आक्रमण ,कुटपिट ,हर पक्षबाट दमन र अत्याधिक मानसिक तनाव भोगिरहेकाले गर्दा पिडा सुनिदिने निकाएबाट नै दमन भएका कारणले गर्दा पत्रकार सम्मेलन गरेको दलित अधिकारकर्मीले जानकारी गराएका छन । अन्तरजातिय विवाह गरेका दम्पतिले पत्रकार सम्मेलन संगै एक प्रेस विज्ञप्ती समेत निकालेका छन ।
नेपालमा राजनितिक परिवर्तन राज्य संरचना र व्यवस्थाहरुमा थुपै परिवर्तन भएका छन् तर समाजको चरित्र र मानसिकतालाइ परिवर्तन गर्न सकिएको छैन जातिय विभेद र अन्याय र अत्याचार प्रष्ट देखिन्छ । आखिर कहिले हो मानसिकता परिवर्तन दलित अधिकारकर्मीको प्रश्न ?
