जोरपाटी चोकको सडक व्यवस्थापन गर्न जनप्रतिनिधि द्वारा गोकर्णेश्वर नगरपालिका नगरप्रमुख दीपककुमार रिसाल तथा गोकर्णेश्वोर-५ का वडा अध्यक्ष नारायण बहादुर सुवेदी मैदानमा उत्रेका छन।
गोकर्णेश्वर नगरपालिका वडा नं ५ मा अवस्थित जोरपाटी चोक सवारी साधन आवगमनको केन्द्र बिन्दु हो।
यसले जोरपाटी-साखु , जोरपाटी सुन्दरीजल तथा जोरपाटी देखि चक्रपथ जाने अवागमन केन्द्रको रुपमा गन्तव्य जोड्दै आएको छ।
सवारी साधनको बढ्दो चाप, जनसंख्या वृद्धि तथा अव्यवस्थित पार्किङ्गको समस्याले गर्दा दिनदिनै जिर्ण बन्दै गएको यातायात व्यवस्थालाई सुधार गर्न जोरपाटी चोकको सडकलाई थप फराकिलो र व्यवस्थित गर्न लागिएको हो।
” हामीले साखु तथा सुन्दरीजलका यातायात हरुलाई पुन:आगमन स्थलमा नै फर्काउन मिल्ने हिसाबले ८ मिटर चौडाईको डाइभर्जन बनाई एउटा आईलेण्ड वा चक्रपथ जस्तो स्वरुप दिनलाई हामिले इन्जिनियरसङ्ग सल्लाह लिईसकेका छौ। ढिला नगरी यश चुनाब लगत्तै यो काम सकिन्छ ”
वडा अध्यक्ष नारायाण बहादुर सुवेदी बताउछन।
नगरपालिकाले यश अघि पनि यातायात व्यवस्थापनको लागि पार्किङ्ग स्थलको निर्माण, अव्यवस्थित पार्किङ्गलाई जरिवानाको कार्य महानगरीय ट्राफिक प्रहरी कार्यलयसङ्ग समन्वय गरि गरेको छ।
