गोकर्णेश्वर नगरपालिका वडा नम्बर ५ को कार्यालयमा गोकर्णेश्वोर नगरपालिका वडा न.५,६ र का.म.न.पा.६ भित्र रहेका मुख्य सार्वजनिक क्षेत्रको दायाँबायाँ सवारी साधन, ठेला गाडा लगायतका अनाधिकृत व्यापार व्यवसायलाई नियंत्रित गरि सार्वजनिक यातायातका साधनहरु तोकिएको स्थानमा मात्र यात्रु चढाउने ओराल्ने र पार्किङ गर्ने गराउने सम्बन्धमा बैठक सम्पन्न भयो।
उक्त बैठकमा नगरप्रमुख, वडा प्रमुख, बौद्ध प्रहरी बृत्त प्रमुख, ट्राफिक इन्स्पेक्टर, सडक डिभिजन कार्यलय प्रमुख, नगर प्रहरी प्रमुख, यातायात व्यवसायी तथा अन्य सरोकारवालासङ्ग छलफल भयो।
छलफलमा केही प्रस्तावहरु उपर निर्णय गर्ने क्रममा संबंधित सबै पक्षले आफ्नो क्षेत्रबाट कार्य गर्ने, ट्राफिक संकेतहरु उपयुक्त ठाउँमा जडान गर्ने, सिसि क्यामेरा जडान गर्ने, तोकिएको स्थान बाहेक यातायात व्यवसायीले अन्यत्र पार्किङ्ग गरेमा कारवाही गर्ने, सडक पेटिमा व्यवसाय गर्न प्रतिबन्धित गर्ने, ठेला गाडालाई साझ ७ बजे पछि मात्र व्यवसाय गर्न दिईने, अनाधिकृत व्यापार गरेको खण्डमा नगर प्रहरीले उक्त व्यवसायको समान जफत गर्ने, सडकका खाल्टाखुल्टी पूर्ण र सडक स्तरउन्नती गर्न अविलम्ब पहल गर्ने निर्णय भए।
बस व्यवसायी र ट्याक्सी व्यवसायीलाई मात्र कानुनी दायरामा ल्याएर समस्या समाधान नहुने, निसान, माइक्रोबस, निजि सवारी साधन, ट्राक्टर, अटो, निलो माइक्रो, ट्याम्पू समेत व्यवस्थित गर्नपर्ने र ती सवारी साधनमा पनि उपयुक्त कानुन र कारवाही हुन पर्ने गुनासो यातायात व्यवसायेव्को थियो।
सडक व्यापारी र ठेला गाडा बौद्द पिपलबोटको यातायात व्यवस्थापनको प्रमुख चुनौती हो भन्दै का.म.न.पा.प्रतिनिधि देव सुन्दर शाक्यले बताए भने नगरप्रमुखले यश समस्यालाई नगरले हल गर्न सकेसम्मका कदम चाल्ने आश्वासन दिए।
गो.न.पा.०६ का अध्यक्ष नवराज लामाले यातायात व्यवस्थाको लागि नियम सख्तताका साथ लागू गर्नपर्ने अनि मत्र विधि निर्माण हुने कुरा वताए भने गो.न.पा.०५ का अध्यक्ष नारायण बहादुर सुवेदिले प्रस्ताव उपर गरिएको छलफलको निर्णय सार्वजनिक गरे।
यश विषयमा थप छलफल आगामी दिनमा हुने र व्यवस्थापनको लागि यातायात व्यवसायीलाई सुचना प्रवाह र सचेतनाका लागि एक हप्ताको समय निर्धारण गर्ने विषयमा पनि छलफल भयो।