यन्जोल डान्स स्टुडियो तथा सिन्धु होटेलको आयोजनामा आउँदै गरेको हिन्दु नारीहरुको महान चाड हरितालिका तीजको उपलक्षमा तीज विशेष कार्यक्रम सम्पन्न भएको छ।
कागेश्वोरी मनोहरा-५ , थलीमा अवस्थित उक्त डान्स स्टुडियोले विभिन्न आमा दिदिबहिनिहरुलाई हर्ष, उल्लासका साथ तीजको पूर्वार्धमा सुभकामना आदानप्रदान गर्नका लागि उक्त कार्यक्रम राखिएको आयोजकले बताए।
कार्यक्रममा ने.का. क्षेत्र न.०३ का महाधिवेशन प्रतिनिधि, नेपाल दलित विद्यार्थी संघका अध्यक्ष, पूर्व नृत्य निर्देशक युवा नेता राजु सुनारको प्रमुख आतिथ्यता रहेको थियो भने मिनिल्याण्ड मा.वि.का प्रधानाध्यापक मणिराम वाग्ले विशेष अतिथी रहेका थिए।
कार्यक्रममा स्टुडियोका विद्यार्थी भाईबहिनिहरुले नृत्य प्रस्तुत गरेका थिए भने सामुहिक नृत्य समेत भएको थियो।
कार्यक्रमका सभापती सिन्धु श्रेष्ठले उपस्थित सबैमा धन्यवाद दिदै सबै उमेर समुहका मानिसलाई नृत्य शारीरिक, मानसिक तथा मनोवैज्ञानिक तवरले र हरप्रकारले लाभदायी रहेको र यसको अभ्यास गर्नु धेरै महत्वपूर्ण रहेको बताए।
सिन्धु रेसर्टका डिरेक्टर दिप चन्द्र श्रेष्ठले उपस्थित अतिथी महानुभावमा धन्यवाद व्यक्त गर्दै मायाको चिनो प्रदान गरे।
प्रमुख अतिथिद्वारा नृत्यको महत्व र यसले मौलिकताको जगेर्ना गर्न पूर्याएको उल्लेखनीय योगदानको विषयमा चर्चा भयो।
