काठमाडौ । नेपाली कांग्रेस, बागमती प्रदेशका महामन्त्री राजु श्रेष्ठले आज निर्वाचन क्षेत्र न.०४ का सम्पूर्ण कांग्रेस निकट प्रतिनिधि तथा नेतागणमा धन्यवाद ज्ञापन गरेका छन।
आज स्मार्ट दरबार, धुम्बाराहिमा भएको चियापान तथा धन्यवाद कार्यक्रममा काठमाण्डौ निर्वाचन क्षेत्र न.०४ का क्षेत्रीय सभापती, इकाई सभापती, जिल्ला, प्रदेश तथा क्षेत्रीय प्रतिनिधिहरुलाई सम्पन्न स्थानीय निर्वाचन २०७९ को लागि धन्यवाद दिदै आगामी प्रदेश तथा प्रतिनिधि सभाको निर्वाचनमा पार्टीको एकता, हातेमालो सक्रियता तथा नेतृत्व चयनको भुमिकामा उत्कृष्ट ढङ्गले प्रस्तुत हुनुपर्ने कुरा महामन्त्री श्रेष्ठले जनाए।
विषेश गरि नेपाली कांग्रेस क्षेत्र न.०४ का पूराना, वर्तमान, सक्रिय तथा निष्क्रिय पार्टीका साथिहरुको नेतृत्वदायी भुमिकाको खोजी गर्दै पार्टीगत योगदानको, सक्रीयताको र नेतृत्व क्षमताको आधारमा प्रतिनिधि चुन्नु पर्ने वर्तमान आवस्यकता देखिएको कुरा नेता श्रेष्ठले राखे।
विगतका निर्वाचनको नतिजालाई पाठ सम्झेर आगामी मङ्ग्सिर ४ गते हुने प्रतिनिधि तथा प्रदेश सभाको निर्वाचनमा केन्द्र, प्रदेश, जिल्ला र क्षेत्रले उत्कृष्ट रणनिती अवलम्बन नगरे पार्टीमा थप वितृष्णा र वेथिती जन्मन सक्ने सम्भावनालाई मध्यनजर गर्दै महामन्त्री श्रेष्ठले व्यक्तिगत स्वार्थ भन्दा पनि पार्टीगत नेतृत्व चयनलाई आत्मसाथ गर्नु हरेक कांग्रेसीको कर्तव्य हो भन्ने भनाई राखे।
महामन्त्री श्रेष्ठ आफैले भने पार्टीले मानेको खण्डमा आफू समानुपातिकबाट आउन सक्ने सम्भावनाको जिकिर समेत गरे। कार्यक्रम ठिक ८ बजे सुरु भई १० बजे सम्पन्न भएको थियो भने करीव २०० जना कांग्रेस प्रतिनिधिको उक्त कार्यक्रममा उपस्थिती रहेको थियो।
