माध्यमिक शिक्षा परीक्षा (एसईई) को नतिजा अबको एक साताभित्र प्रकाशित गर्ने तयारी छ। राष्ट्रिय परीक्षा बोर्डका अध्यक्ष महाश्रम शर्माले परीक्षाफल प्रकाशित गर्ने तयारी भइरहेको र एकसाता भित्र सार्वजनिक हुने जानकारी दिए ।
उनले भने ‘परीक्षाफल प्रकाशनका लागि आवश्यक तयारीहरू भइरहेका छन्। हामीले असार अन्तिम साता परीक्षाफल प्रकाशित गर्ने तयारी गरिएको थियो। चुनावका कारण केही ढिला भयो। अब एक साताभित्र परीक्षाफल प्रकाशित हुन्छ । ’
