कञ्चनजंघा हिमालबाट नेपाली सेनाले १५.३७ टन फोहोर संकलन गरेको छ । हिमालको फोहोर संकलनका लागि युनिलिभरले ‘सफा हिमाल अभियान-२०२२’ मा नेपाली सेनासँग हातेमालो गरेको थियो ।
नेपाली सेनाले गत २ वैशाखदेखि १६ जेठसम्म १६ गतेसम्म हिमाल सफाइ अभियान सञ्चालन गरेको थियो । युनिलिभरका अनुसार सो अभियानमा ३.०२ टन जैविक र १२.३५ टन अजैविक फोहोर संकलन भएको छ ।
अभियानको क्रममा संकलित प्लास्टिक पुनः प्रयोग सुनिश्चित गर्न युनिलिभरले रिसाइक्लिङ साझेदारहरूको रूपमा अभ्नी भेन्चर प्रालिसँग समन्वय गरेको छ ।
मौसममा आएको परिवर्तनका कारण झेल्नुपरेका विभिन्न चुनौतीको सामना गर्दै अभियानमा सहभागी टिमले ४५ दिनको अवधिमा कञ्चनजंघाको फोहोर संकलन गरेको थियो ।
