गोकर्णेश्वर नगरपालिका का नवनिर्वाचित जनप्रतिनिधिहरूको शपथग्रहण कार्यक्रम गोकर्णेश्वर नगरपालिकाको कार्यालयमा सम्पन्न भएको छ।
स्थानीय निर्वाचन २०७९ बाट काठमाडौँ निर्वाचन क्षेत्र नं ३ गोकर्णेश्वर नगरपालिकामा नौवटा वडाहरू पर्दछन्। उक्त वडाहरु बाट कुल ४५ जना जनप्रतिनिधिहरु वडा अध्यक्ष र वडा सदस्यको पदमा निर्वाचित हुनुभएको छ । नगर प्रमुख र उपप्रमुख गरी कुल ४७ जना जनप्रतिनिधिहरुको नगरपालिकाभित्र निर्वाचित भएका छन्। पार्टीगत हिसाबले हेर्दा नेपाली कांग्रेस र एमालेबाट धेरैजसो जनप्रतिनिधिहरु छन् भने स्वतन्त्र उम्मेदवार पनि रहेका छन्। नगरपालिकाको ६ वटा वडाहरुमा एमालेले वर्चस्व लिएको छ भने बाँकी तीनवटा वडामा नेपाली कांग्रेसबाट वडाअध्यक्ष जनप्रतिनिधि स्वरुप आएका छन् । नेपाली कांग्रेसबाट मेयरमा दीपक रिसाल छन् भने उपमेयर मा नेकपा एमालेबाट सान्नानी लामा निर्वाचित भएका छन्।
कार्यक्रमका प्रमुख अतिथि गोकर्णेश्वर नगरपालिका का प्रमुख कार्यकारी अधिकारी बैकुण्ठप्रसाद सापकोटाद्वारा बिधिबत रुपमा नव निर्वाचित जनप्रतिनिधिहरुको लाई सम्मान र स्वागत भयो भने निर्वाचन अधिकृत द्वारा नगरपालिकामा सपथग्रहण कार्यक्रम समेत समापन भएको छ।
यसभन्दा अगाडि नेपाली कांग्रेसबाट क्षेत्रीय सभापति समेत रहनु भएका सन्तोष चालिसे द्वारा गोकर्णेश्वर नगरपालिकाको प्रमुखको भूमिकामा पदबाहर गरिएको थियो। गोकर्णेश्वर नगरपालिकाको मिश्रित संरचनाले गर्दा खेरी अव नगरपालिकामा विकास द्रुतगतिमा हुने संकेत देखिएको छ।
कार्यक्रममा नगरपालिकाका अधिकृत भूपेन्द्र बोरा द्वारा सबै जन प्रतिनिधिहरुलाई स्वागत तथा सम्मान मन्तव्य प्रस्तुत भएको थियो।
