सिन्धुपाल्चोक जिल्लाको मेलम्ची नगरपालिका वडा नम्बर १० मा पहिलो पटक सम्भवत दलित समुदायबाट वडा अध्यक्ष जस्तो पदमा कांग्रेसका युवा नेता गोविन्द गजमेरले आफ्नो उम्मेद्वारी घोषणा गरेका छन। नेपाल तरुण दलका जिल्ला सदस्य समेत रहेका गोविन्द गजमेरद्वारा मेलम्ची नगरपालिका वडा न.१० मा वडा अध्यक्षको पदमा आफ्नो उम्मेद्वारी दिएका हुन। नेपाली कंग्रेसको समतामूलक र समाबेशि निर्वाचन पद्धतिको यो ज्वालन्त उदाहरण भएको छ। स्थानीय चुनाव बैशाख ३० गते आउँदै गर्दा नेपालभरि नै विभिन्न राजनीतिक दलहरुबाट आकांक्षीहरु वडा, नगर, जिल्ला र प्रदेशमा आफ्नो उम्मेदवारी दिनलाई तछाडमछाड गरिरहेको अवस्थामा दलित समुदायलाई अगाडि बढाउन, प्रतिनिधित्व गर्न र समानताको मूलधारमा ल्याउनको लागि गजमेरले आफ्नो प्रबल सम्भावना देखेका छन्। सिन्धुपाल्चोक जिल्लामा एक युवा समाजसेवी को भूमिकामा पनि गजमेरलाई देख्न पाइएको छ। नेपाली कंग्रेसको संगठन निर्माण गर्ने, सक्रियताका साथ लाग्ने, समाजमा व्याप्त विभेद उन्मुलन गर्नको खातिर हरदम तत्पर रहने युवा नेता गजमेरको राजनैतिक भविष्य सुनौलो देखिएको छ। उनले टिकट ल्याउँलान अथवा नल्याउँलान प्रश्नको विषय हो तर पनि दलित समुदायबाट एक कुशल युवा अग्रपंक्तिमा आउनुपर्ने कुरा नेपाली कङ्रेस को लागि फाइदाजनक नै रहनेछ।
