नेपाली कांग्रेस काठमाडौ क्षेत्र न.०३, नगरपालिका वडा न.०५ इकाई उद्धाटन भोलि हुने भएको छ। स्थानीय चुनाव नजिकिदै गर्दा नेपाली कांग्रेसका भ्रातृसंगठनहरु चुस्त रुपमा चलायमान भैरहेको छ। यसै क्रममा निर्वाचन क्षेत्र न.०३ अन्तरगत ०५ नम्बर एकाई पनि उक्त निर्वाचनको लागि सक्रियतासाथ लागिरहेको छ। सम्पूर्ण क्षेत्रमा उदाहरणीय इकाईको रुपमा स्थापित वडा न.०५ इकाई कार्यसमितिले उक्त कार्यक्रम राखेको छ।
नेपाली कांग्रेस केन्द्रीय सदस्य, पूर्व सहकारि मन्त्री, नेत्री अम्बिका बस्नेतको प्रमुख आतिथ्यता रहने उक्त कार्यक्रममा बाग्मती प्रदेशका महामन्त्री राजु श्रेष्ठ , काठमाडौं क्षेत्र न.०३ क्षेत्रीय सभापती सन्तोष चालिसे, उप-मेयर शान्ति नेपाल, प्रदेश (ख) सभापती बिमल ठकुरी, प्रदेश (क) सभापती श्रीराम चालिसे तथा अन्य नेतागणहरुको विषिष्ठ आतिथ्यता रहने भएको छ भने कार्यक्रमको सभापतित्व नव-निर्वाचित इकाई सभापती शेखर सुवेदिले गर्नुहुनेछ। कार्यक्रम भोलि बिहान ठिक ०९ बजे हुनेछ भने उक्त कार्यक्रमको आयोजना समस्त गोकर्णेश्वोर नगरपालिका वडा न.०५ इकाई परिवारले गरेको छ।
