फोर आइज न्युज
शुक्रबार, चैत्र २१, २०८१
  • होमपेज
  • न्युजिल्याण्डमा भीषण बाढी, सयौं परिवार विस्थापित

न्युजिल्याण्डमा भीषण बाढी, सयौं परिवार विस्थापित

न्युजिल्याण्डमा भीषण बाढी, सयौं परिवार विस्थापित

न्युजिल्यान्डको दक्षिणी टापुमा आएको बाढीका कारण सयौँ परिवार घर छोड्न बाध्य भएका छन् । उनीहरुलाई सुरक्षित ठाउँमा सारिएको छ । मुख्यगरी बुलर र नेल्सनमा आपत्कालीन अवस्था घोषणा गरिएको छ ।

ठूलो पानी परेपछि नेल्सनको मुख्य नदी मैताईमा बाढी आएको र नदीले प्राकृतिक धार परिवर्तन गरी घर, पाइप र सडकमा क्षति गरेको छ ।

बस्ती तथा जमिनमा दुई फिटभन्दा धेरै पानी जमेको अन्तर्राष्ट्रिय सञ्चारमाध्यमले जनाएका छन् । उद्धार टोली र सुरक्षा निकायले जलमग्न सडकमा मानिसलाई आवश्यक सहयोग गरिरहेका छन् ।

बाढीका कारण ढलहरू फुटेकाले सुरक्षित पिउने पानीको समस्या भएको छ । आपत्कालीन व्यवस्थापन मन्त्री किरन म्याकएनल्टीले नेल्सनको भ्रमण गरी बाढी प्रभावितलाई आर्थिक सहयोग गर्ने प्रतिबद्धता व्यक्त गर्नुभएको छ । उत्तरी टापु पनि खराब मौसमबाट प्रभावित भएको छ ।

नर्थल्यान्डमा १ सय २० किलोमिटर प्रतिघण्टाको रफ्तारमा हावा चलेको र त्यसले रुखहरु ढलेर दुर्घटना समेत भएको खबरमा उल्लेख छ ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ट्रेन्डिङ

धेरै कमेन्ट गरिएका