गोकर्णेश्वोर नगरपालिका वडा न.०४ मा अवस्थित हाम्रो सुनौलो पाईलाद्वारा आज पिस ब्यान्केटमा स्मारिका विमोचन तथा दिपावलीको अवसरमा देउसी भैलो तथा सम्मान कार्यक्रम सम्पन्न गरेको छ।
चौथो स्मारिका विमोचन गरेको सुनौलो पाईला बाल आश्रममा नेपालका विभिन्न क्षेत्रबाट विपन्न तथा अति गरिव अनाथ बालबालिकाहरुलाई यश आश्रमले खान, लाउन, पढाइ तथा आवासको व्यवस्था मिलाउदै आएको छ।
कार्यक्रममा नगर प्रमुख दिपक रिसाल प्रमुख अतिथी थिए भने उप प्रमुख सान्नानी लामा बिशिस्ट अतिथी थिए साथै गोकर्णेश्वोर नगरपालिका, ४,५,९ तथा ८ का वडा अध्यक्षहरु उपस्थित थिए।
साथै आसन्न निर्वाचनका संघीय तथा प्रादेशिक उम्मेद्वार सन्तोष चालिसे तथा बिमल ठकुरी र छिरिङ्ग दोर्जे लामाले समेत हाम्रो सुनौलो पाईला बाल आश्रमलाई पूर्ण सहयोग गर्ने प्रतिवद्दता जाहेर गरे।
नगर प्रमुख दिपक रिसालले सत्यभामा श्रेष्ठलाई, उहाले गर्नुभएका काम र सेवाको लागि सम्मान गर्दै हाम्रो सुनौलो पाईलालाई बजेट बिनियोजन निरन्तर रहने र यश संस्थालाई जग्गा को आवस्यकता समेत परिपुर्ती गर्ने अठोट गरेका छन।
कार्यक्रम बालबालिकाहरुको नृत्यद्वारा सुसजित थियो भने उपस्थित सम्पूर्णले दक्षिणा प्रदान गरेका थिए।
कार्यक्रमलाई सहयोग गर्ने तथा संस्थालाई प्रत्यक्ष तथा अप्रत्यक्ष रुपमा साथ र सहयोग गर्ने सम्पूर्ण हातहरुलाई धन्यवाद दिदै अध्यक्ष रोजिना बिस्टले आफू संस्थाप्रती पूर्ण वफादार रहि समाजमा विश्वासयोग्य अभिभावकको भुमिका निर्वाह गर्ने कुरा बताए।
